Please reload

Recent Posts

I'm busy working on my blog posts. Watch this space!

Please reload

Featured Posts

Af hverju Lóur?

December 3, 2017

„Hugmyndin um Lóur spratt upp sem einhverskonar svar við öllu því ótrúlega plast magni, matarsóun og rusli sem við komumst í tæri við á hverjum einasta degi. Kannski líka trú okkar á því að við getum öll gert eitthvað örlítið í okkar daglega lífi til að gera heiminn aðeins náttúrulegri og heilbrigðari. Þó það sé ekki nema að velja þær vörur sem við notum í okkar daglega lífi af aðeins meiri skynsemi. Færa okkur úr drasli í eitthvað alvöru. Færa okkur úr einnota í eitthvað margnota.”

 

Svona byrjar kynning okkar á því fyrir hvað Lóur standa. Af hverju við fórum út í þetta og af hverju við vonumst til að þessi litli snjóbolti rúlli eitthvað áfram.

 

Við sem stöndum á bak við Lóur erum frænkurnar Guðrún og Jóhanna. Lóa er auðvitað fallegur fugl sem minnir á sumarið. Það er svo staðreynd að við eigum sameiginlega ömmu sem kölluð er Lóa. Amma Lóa er náttúrubarn og algjör meistari í að nýta hluti. Þó amma sé alltaf kölluð Lóa, heitir hún réttu nafni Guðrún Jóhanna. Og við, Guðrún og Jóhanna.

Uppúr þessu fæddust Lóur.

 

Í næstu pistlum munum við tauta eitthvað um rusl, náttúru og matarsóun. Við fáum svo ömmur okkar og afa, ásamt vinum þeirra og kunningum, í lið með okkur til að skella fram stórmerkilegum heilræðum. Heilræðum varðandi nýtingu matar eða aðra hluti sem þau luma á. Við verðum að nýta og miðla þessari visku!

 

En af hverju er okkur ekki drull…?

 

Svo það komi skýrt fram er hugmyndin ekki að predika eða koma því á framfæri hversu fullkomið líf okkar er. Við gleymum okkur og leyfum okkur allskonar hluti eins og flestir aðrir.

 

Við gerum ekki ráð fyrir að fólk hætta allri neyslu á tilbúnum vörum, notkun á raftækjum, snyrtivörum eða ákveðnum matvælum. Það er enginn að tala um að gera sig heimakominn í einhverjum helli úti á landi, klæðast útsaumaðri lendaskýlu og borða bara fræ.

Nei. Þetta er bara smá hugvekja. Minna á hvað hægt er að gera með smá umhugsun. Benda á að stundum erum við kannski á villigötum. Við getum allavega öðru hverju valið þær vörur sem við notum í okkar daglega lífi af aðeins meiri skynsemi.

 

Það voru nokkrar ótrúlegar sögur af samferðafólki okkar, sem höfðu einnig áhrif á að við hentum þessu í framkvæmd. Önnur hver hræða á þessu skeri gerði áramótaheit í fyrra um minnka plastnoktun en svo HVISS,BAMM,BÚMM... Opnun einnar búðar á litlu eyjunni breytti öllu og fólk missti vitið.

Einhverjir keyptu meira að segja vatnsflöskur í hundraða tali, tæmdu þær og settu í endurvinnslu af því að skilagjaldið var hærra en verðið á flöskunum í búðinni.

 

Það er svo auðvelt að gleyma sér. Horfa á dæmið þannig að augljós gróði sé í því að kaupa einhverja vöru. Mikið magn og svo ódýrt. Að vísu í rosalegum plastumbúðum. Innflutt með flugvél. Ræktað erlendis. Nei, auðvitað er engin leið að klára þetta áður en það eyðileggst. Henda þarf restinni. En það má samt eiginlega segja að maður hafi grætt á því að kaupa þessa vöru. Eiginlega.

 

Allir geta til að mynda:

  • Tekið fjölnota poka með í búðina

  • Kíkt á þær vörur sem búðir selja á lægra verði, til þess að minnka matarsóun (oft sérstakar kistur með vörum á síðasta söludegi)

  • Keypt frekar vörur í umbúðum úr pappa eða gleri, frekar en plasti

  • Flokkað rusl samviskusamlega

  • Notað margnota box/filmur fyrir afganga í stað einnota plastfilmu

  • Valið vörur úr timbri, frekar en úr plasti (tannbursta o.fl.)

  • Nýtt afganga í ýmiskonar rétti

  • Sett minna á diskinn til að minnka matarsóun

  • Notað margnota drykkjarmál í stað einnota (kaffibolla o.fl.)

  • Maukað barnamat í stað þess að kaupa einnota „skvísur”

 

Daglega er hægt að gera eitthvað örlítið, þó við gerum ekki allt.

Við töpum heldur ekki ef við gleymum okkur inná milli. Þetta er auðvitað ekki keppni.

Share on Facebook
Share on Twitter
Please reload

I'm busy working on my blog posts. Watch this space!

Please reload

Search By Tags
Please reload

Archive