Please reload

Recent Posts

I'm busy working on my blog posts. Watch this space!

Please reload

Featured Posts

Að kaupa inn - án þess að kaupa allar þessar umbúðir

February 7, 2018

Á mörgum stöðum erlendis eru búðir sem selja vörur án umbúða. Vörur í slíkum búðum eru þá gjarnan, pasta, krydd, fræ, te&kaffi, morgunkorn eða aðrar þurrvörur sem eyðileggjast ekki svo greiðlega. Eins eru margar búðir með olíur, vín, mjólk, hreinsivörur eða pestó sem hægt er að kaupa umbúðalaust og fylla skal á í sín eigin ílát. Svo ekki sé talað um alla þá matarmarkaði sem til eru í helstu borgum og bæjum erlendis með kjöt&fisk, ávexti&grænmeti eða blóm.

 

Í þessum borgum er ekkert annað í stöðunni en að skella sér í leiðangur. Stökkva upp í strætó eða hjóla af stað. Grípa með sér taupoka, nokkrar glerkrukkur, kryddstauk og flösku fyrir rauðvínið. Fylla á gráfíkju- og salthnetubirgðirnar fyrir helgina, bæta á olíuna í eldhúsinu, setja aftur saffran í staukinn og grípa nokkur fallega rauð epli til að hafa á eldhúsbekknum. Muna eftir auka taupoka fyrir þvottaefnið og sjampóið, því betra er að hafa hreinsiefnin sér í poka. Blómin! Maður lifandi ekki gleyma túlípönunum. Við heimkomu ertu temmilega tilbúin í helgina. Þarft svo ekki að setja eina einustu örðu af umbúðum í flokkunarhólfið þitt.

 

https://grammalmo.se/

 

Þetta er í alvöru hægt á sumum stöðum í heiminum. Það eru meira að segja til smáforrit úti í þessum stóra heimi til þess að auðvelda fólki leit sína af svona búðum.

 

Auðvitað er þetta ekki allra en margir vilja hafa val um slíkan lífstíl. Að geta keypti inn fyrir heimilið án þess að horfa upp á metnaðarfulla flokkunarkerfið þitt, tútna út af pappa og plasti á einni viku.

 

Lóur hafa velt því upp að opna svona búð. Mögulega munum við slá til á næstu mánuðum eða árum. Þangað til langar okkur mjög gjarnan að opna augu annarra fyrir þessum möguleika. Því um leið og þetta er hægt á fleiri stöðum þá verður minna rusl á Íslandi. Þessu fallega, hreina og græna landi okkar.

 

Við vitum til þess að það hafi verið svona búð á Íslandi. Kannski var hún aðeins á undan sinni samtíð. Kannski ekki nógu vel auglýst. Jafnvel ekki nógu vel staðsett. Óheppilegt. Við vitum ekki til þess að þessi búð sé ennþá starfandi.

 

 Original Unverpackt

 

En þetta þarf að vera aðgengilegt, auðvelt og auðvitað smart. Þetta verður líka að verða dáldið kúl. Íslendingar stökkva ekkert endilega af stað nema þeir viti að það sé dálítið inn. Svolítið smart. Það vill enginn vera tabú í þessu litla samfélagi okkar.

 

 

Flest okkar förum í Bónus, Hagkaup, Krónuna, Nettó, jafnvel Nóatún, Víði eða Krambúðina til þess að versla. Hver þessara stórlaxa ætlar að vera fyrstur til þess að bjóða upp á þetta? Ég skal persónulega bjóða fram aðstoð mína til þess að skipuleggja þetta með þeim. Samstarf við Lóur. Bara hafa samband!

 

Þó það sé ekki boðið upp á nema nokkrar vörur í þessari búð og aðrar vörur í hinni. Hvissbammbúmm – eftir smá tíma væri hægt að bjóða íslenskri þjóð uppá minna rusl.

 

 

Share on Facebook
Share on Twitter
Please reload

I'm busy working on my blog posts. Watch this space!

Please reload

Search By Tags
Please reload

Archive